ಪ್ರಕೃತಿ

ಹಚ್ಚ ಹಸಿರಿನ ನೋಟ,ತಂಪಾದ ಗಾಳಿ, ಇಂಪಾದ ಧ್ವನಿ,ಇಬ್ಬನಿಯ ಹನಿ, ಹರಿವ ನೀರಿನ ಜುಳು ಜುಳು ನಾದ, ಜಿಗಿಯುತ ಓಡುವ ಸಾರಂಗಗಳು, ಮುದ್ದು ಮುದ್ದಾದ ಮೊಲಗಳು, ನಾಟ್ಯ ಮಾಡುವ ನವಿಲುಗಳು, ಹಿಂಡು ಹಿಂಡಾಗಿ ಹೋಗುತಿರುವ ಮದ ಗಜಗಳು, ಚಿಕ್ಕ ಚಿಕ್ಕ ಅಳಿಲುಗಳು, ಬಣ್ಣ ಬಣ್ಣದ ಚಿಟ್ಟೆಗಳು, ವನ ದೇವತೆಯ ಪ್ರೀತಿಸಲು ಇನ್ನೇನು ಬೇಕು?

ಬಡತನ

ಮೌನವಾಗಿದೆ ಮನ
ಸಾಸಿವೆಯಾಗಿದೆ ಸಾಗರ
ಹೆಂಡತಿ ಮಕ್ಕಳು ದೂರಗಿರುವರು
ಸಂಭಂದಿಕರು ಹತ್ತಿರ ಸೊಳಿಯುತಿಲ್ಲ
ಸ್ನೇಹಿತರ ಸ್ನೇಹ, ಸಲಿಗೆ ಮಾಯವಾಗಿದೆ
ಹಗಲು ರಾತ್ರಿಗಳ ಪರಿವೆ ಇಲ್ಲವಾಗಿದೆ
ಭೂಮಿ ಬಾನು ಬೇಡವಾಗಿದೆ
ಬಡತನ ಬರಬಾರದು ....... ಬಂದರೆ ತುಂಬಾ ದಿನ ಇರಬಾರದು..................

ಸರಸ್ವತಿ

ಓಂಕಾರ ರೂಪಿಣಿ ಇವಳು
ಶ್ವೇತ ವರ್ಣದ ವಸ್ತ್ರ ಧರಿಸಿರುವವಳು
ಕೈಯಲ್ಲಿ ವೀಣೆಯ ಹಿಡಿದಿರುವಳು
ಹಂಸ ವಾಹನ ಪ್ರಿಯಳು
ವಿದ್ಯಾ ದೇವತೆ ಎನಿಸಿರುವಳು
ನಗು ಮುಖದಿಂದ ಆಕರ್ಷಿಸುತ್ತ ನಗುತ್ತ ಇರುವವಳು
ಸೂರ್ಯನಷ್ಟು ಮುಖದ ತೇಜಸ್ಸು ಹೊಂದಿರುವವಳು
ಕೆಂಪು ಮೂಗುತಿ ಧರಿಸಿರುವವಳು
ಜ್ಞಾನ ನಿಧಿಯೆಂದು ಇವಳ ಕರೆಯುವರು
ಶ್ರಮ ಜೀವಿಗಳಿಗೆ ಒಲಿಯುತಿರುವವಳು

ಮನಸ್ಸು

ಮನಸ್ಸು ಶ್ರೀಗಂಧದ ಚಕ್ಕೆಯಂತೆ
ಮನಸ್ಸು ಹಿಮಾಲಯದ ಗಂಗೆಯಂತೆ
ಮನಸ್ಸು ನೀಲಿಆಕಾಶದಂತೆ
ಮನಸ್ಸು ಸಮುದ್ರದ ಆಳದಂತೆ
ಮನಸ್ಸು ಹೂ ತೋಟದಂತೆ
ಮನಸ್ಸು ಅಗ್ನಿಯ ಜ್ವಾಲೆಯಂತೆ
ಮನಸ್ಸು ಶುದ್ದ ಗಾಳಿಯಂತೆ
ಮನಸೆಂಬುದು ದೇವರ ಮುಂದಿನ ಹಣತೆಯಂತೆ
ಮನಸ್ಸು ಹಚ್ಚ ಹಸಿರಿನ ಪೈರಿನಂತೆ
ಮನಸ್ಸು ಮನೆಯ ಒಡೆಯನಂತೆ
ನನ್ನವಳ ಮನಸ್ಸು ಭೂಮಿ ತಾಯಿಯ ತಾಳ್ಮೆಯಂತೆ

ಚೆನ್ನ....

ಪುಟ್ಟ ಪುಟ್ಟ ಹೆಜ್ಜೆ ಇದುವ ಕಂದನ ನೋಡುವುದು ಚೆನ್ನ
ಹೂವಿನ ತೋಟದಲ್ಲಿ ಅರಳಿದ ಹೂವು ನೋಡುವುದು ಚೆನ್ನ
ಆಕಳ ಕರು ನೆಗೆಯುವುದ ನೋಡುವುದು ಚೆನ್ನ
ಬೆಳಿಗಿನ ಇಬ್ಬನಿಯ ಸವೆಯುವುದೆ ಚೆನ್ನ
ಅಮ್ಮನ ಕೈ ತುತ್ತು ತಿನುವುದೇ ಚೆನ್ನ
ಹಾರುವ ಹಕ್ಕಿ ಬಾನಿಗೆ ಚೆನ್ನ
ಕವಿಯ ಕಲ್ಪನೆಯೇ ಚೆನ್ನ
ಬೆಳದಿಂಗಳ ಚಂದ್ರನ ನೋಡುವುದು ಚೆನ್ನ
ನಿನ್ನ ಮುಂಗುರುಳು ಸರಿಸುವಿದ್ದನ್ನು ಸವೆಯುವುದೆ ಆನಂದ